ፕሮፌሰር ብርሀኑ ነጋ የኢዜማ መሪ ሆነው ተመረጡ

Picture: AFP

ፕሮፌሰር ብርሀኑ ነጋ በ912 ድምፅ የኢዜማ መሪ ሆነው እንደተመረጡ ተሰማ። አቶ የሺዋስ አሰፋ ሊ/ መንበር እንዲሁም አቶ አንዷለም አራጌ ደግሞ የፓርቲው ምክትል ሊ/መንበር ሆነው ተመርጠዋል።

መረጃዎች እንደሚያመለክቱት ፓርቲው ሁለት ዓይነት የአመራር አወቃቀር ያለው ሲሆን የፓርቲው ሊ/መንበር እና የፓርቲው መሪ የተለያዩ ናቸው። የፓርቲው ሊ/መንበር የፓርቲውን የአደረጃጀትና የዕለት ተዕለት እንቅስቃሴ የሚመራ ሲሆን የፓርቲው መሪ ፓርቲው ለፖለቲካ ስልጣን የሚያደርገውን ማንኛውም አይነት እንቅስቃሴ እንዲሁም የፓርቲውን አቋም በመንግስት ስልጣን ውስጥ የሚያስፈፅም እካል ነው።

ትናንት በአዲስ አበባ ስድስት ኪሎ አቅራቢያ በሚገኘው የስብሰባ ማዕከል ኢዜማ የምስረታ ጉባዔ ማካሄዱ ይታወሳል።

ከዚህ ቀደም አዲስ ፓርቲ ለመመስረት ሰባት ነባር ፓርቲዎች ተስማምተው እያንዳንዳቸው ራሳቸውን ማክሰማቸው ይታወሳል።

በዚህም አርበኞች ግንቦት7ን ጨምሮ ሰባት ፓርቲዎች ራሳቸውን አክስመው “የኢትዮጵያ ዜጎች ለማኅበራዊ ፍትህ” ተብሎ የሚጠራውን ፓርቲ መስረተዋል። የኢትዮጵያ ዜጎች ለማኅበራዊ ፍትህ ፓርቲ (ኢዜማ) የዜግነት ፖለቲካ አራምዳለሁ ብሏል።

ፓርቲው ትናንት ባካሄደው ጉባዔ በፓርቲው ደንብ፣ ስያሜ እና አርማ ላይ ተወያይቶ ውሳኔዎችን አሳልፏል።

የአርበኞች ግንቦት 7 ፓርቲ አመራር የነበሩት አቶ ኤፍሬም ማዴቦ እና አቶ አንዳርጋቸው ፅጌ የሌላ ሀገር ዜግነት ስላላቸው በአዲሱ ፓርቲ ውስጥ የኃላፊነት ቦታ እንደማይኖቸራቸው ተገልጿል።

ምክትሉ አቶ አንዷለም፤ ከእስር ከተፈቱ በኋላ ከወዳጆቻቸው ጋር ፓርቲ ለመመስረት ያስቡ እንደነበር ጠቅሰው፤ በቀድሞው አርበኞች ግንቦት 7 እና በሰማያዊ ፓርቲ በኩልም ተመሳሳይ ሀሳብ በመኖሩ የቀድሞ የአንድነት ፓርቲ አባላትን፣ አመራሮችንና ሌሎች ኢትዮጵያውያኖችን ማሰባሰባቸውን ይናገራሉ።

አቶ አንዷለም ከተለያዩ ወገኖች ጋር ላለፉት ስምንት ወራት ምክክር ሲያደርጉ እንደነበርም ገልፀዋል።

አቶ አንዷለም እንደሚሉት፤ ኢትዮጵያ ሕብረ ብሔራዊ ሀገር እንደመሆኗ፤ በአዲሱ ፓርቲ ሰው በሰውነቱ፣ ለኢትዮጵያ ባለው ራዕይና በአስተሳሰቡ ጥራት የሚመዘንበት በዜግነትን መሰረት ያደረገ ፓርቲ መመስረት ነው ሀሳባቸው።

“አላማችን ኢትዮጵያን የተስፋና የዲሞክራሲ ምድር ማድረግ ነው” ያሉት አቶ አንዷለም፤ ፓርቲው ዘረኝነትን ለመመከትና ሰዎች ሉአላዊ የሚሆኑበትን ስርአት ለመፍጠር ትልቅ አስተዋፅኦ ይኖረዋል ብለው እንደሚያምኑ ገልጸዋል።

ራሳቸውን አክሰመው አንድ ፓርቲ ለመመስረት የተሰባሰቡት ፓርቲዎች የቀድሞው የኢትዮጵያ ዴሞክራሲያዊ ፓርቲ፣ የመላ ኢትዮጵያ ዴሞክራሲያዊ ፓርቲ፣ አርበኞች ግንቦት 7፣ ሰማያዊ ፓርቲ፣ አዲስ ትውልድ ፓርቲ፣ የጋምቤላ ክልላዊ ንቅናቄና አንድነት ለፍትህና ለዴሞክራሲ ፓርቲ ናቸው።

Source BBC news

Picture: Tadias

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s